Link açıqlığı

Yuqarı Radanıñ insan aqları komitetiniñ çıqış toplaşuvı Qırımnıñ ukrain cemiyetine bağışlanacaq


Mustafa Cemilev, arhiv fotoresimi

Kyivde Ukraina Yuqarı Radasınıñ insan aqları, milliy azlıq ve milletlerara munasebetler meseleleri komitetiniñ çıqış kenişletilgen toplaşuvını işğal etilgen Qırımnıñ ukrain cemiyetiniñ problemlerine bağışlp keçirecek olalar. Böyle bir teşebbüs Ukraina halq deputatı, qırımtatarlarnıñ lideri Mustafa Cemilevge aittir, dep bildirdi Facebookta «Qırım inkişaf fondu» hayriye fondunıñ yolbaşçısı Oleksiy Skorik.

«Komitet reisi Grigoriy Nemırâ bu teklifke qoltutıp, böyle bir toplaşuvnı azırlamağa avale etti. İlk añlaşmağa köre, toplaşuv mayıs 24-de Vernadskiy adına Tavriya milliy universitetinde ötkerile bile», – dep yazdı Skorik.

Toplaşuvda iştirak etmege ve onıñ keçirilmesinen bağlı bir de bir teklifte bulunmağa istegenler info@cdf.org.ua elektron poçtağa yaza bileler, dep qoştı Skorik.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG