Link açıqlığı

Kreml kontrol etken Qırım Yuqarı mahkemesi Qırımtatar Milliy Meclisiniñ reis muavini Ahtem Çiygoznıñ apis müddetini uzatma qararından berilgen şikâyet arizasını baqıp, maznunnı nizam bozulğanından oturıştan «çıqarmağa» ve Çiygoz iştirak etken video bağını söndürmege qarar aldı.

Qırım.Aqiqat mühbiriniñ aprel 5-de bildirgenine köre, mahkemeci Yuriy Gritsenko, Sergey Rubanov ve Timur Slezkodan ibaret kollegiya oturış başında prokurornı çetleştirmemege qarar aldı. Lâkin qabaat tarafınıñ vekili Andrey Koltırin bu esnasqa tayinlengenine dair emirni köstermedi.

Ahtem Çiygoz bunı izaatlağan soñ mahkeme onı nizam bozulğanı aqqında tenbiyeledi, soñra ise mahkeme oturışında uzaqtan iştirak etse de, onı «çıqarmağa» qarar alındı.

Qırım.Aqiqat mühbiriniñ bildirgenine köre, mahkemeciler advokat Nikolay Polozovnı da tenbiyeledi. Şikâyet arizası Ahtem Çiygoz ve advokatlarından birisi olmağanda baqıldı.

Kreml kontrol etken Qırım Yuqarı mahkemesi mart 23-de Ahtem Çiygoznıñ apis müddetini üç ayğa, iyül 7-ne qadar uzattı.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, şu cümleden «Rus Birligi» firqası, miting iştirakçilerine qarşı çıqqan edi.

Rusiye mahkemesi iyül 20-de qapalı toplaşuvda «fevral 26 işini» ekige böldi: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG