Link açıqlığı

Keriçte mayısta elektrikler 9 saatqa kesilecegini ilân ettiler


Keriçte elektrik energiyası 9 saatqa keçilecek. «Krımenergo» devlet müessisesiniñ matbuat hızmeti bildire ki, söndürüvler «planlaştırılğan tamir işlerinen» bağlı.

Keriçte elektrik kesilmesi cedveline köre, ışıq söndürilyesi 9 saat devam ete bile.

«Krımenergo» devlet müessisesi bildire ki, mayısta saat 8-den 17-ge qadar elektrik donatmalarınıñ tamir işlerinden sebep elektrikler aşağıdaki cedvelge köre kesilecektir. Keriç şeer bölgesiniñ ürmetli sakinleri! Eletrik donatmalarnıñ tamir etilmesi istiqrarlı energetik teminlevni berir. Buña añlayışlı yanaşmağa rica etemiz», – dep aytıla ilânda.

Keriçlilerge hatırlatalar ki, «elektrik cihazlar zarar körmesin dep, olarnı söndürmege tevsiye etile».

Qayd etile ki, «iş vaqtında cedvelde bazı deñişmeler ola bile».

Rusiye 2016 senesi baarde energetik köpürniñ üçünci ağını qoşqan olsa da, işğal etilgen Qırımda elektrik temin etüvinde problemler bar. 2015 senesi dekabr ayından başlap, Herson vilâyetinde elektrik direkleriniñ bozulmasından sebep, Qırımğa qıtaiy Ukrainadan elektrik aqımı toqtatıldı. Şimdiki vaqıtta Qırım özü çıqarğan energiya, Rusiyeden yarımadağa ketirilgen generator ve Rusiyeniñ Krasnodar vilâyetinden keçirilgen energo köpür ile elektriknen temin etile.

XS
SM
MD
LG