Aprel 11-de Aqmescitte Qırım akimiyeti Kozlov soqağındaki küçük bazarnıñ ticaret noqtalarını yıqmağa başladı. Anda Rusiye OMON uquq qoruyıcıları tolu avtobus nevbetçilik yapqan edi. Bazar yerinde turaq ve abadanlaştırılğan bir alan olacaq. Rusiye kontrol etken Aqmescit yolbaşçısı Gennadiy Baharevniñ aytqanına köre, bu işlerge 12 mln ruble sarf etilecektir.
Qırım «temizligi»: Aqmescitteki bazar yerine – balaban bir turaq (fotoresimler)
1
Aqmescitniñ merkeziy bazarına yaqın OOO «Krıminvestholding» çarşısındaki inşaatlarnıñ yıqılması aprel 11-de saba saat 4-te başladı
2
Silâlı OMON hadimleri etrafnı sarıp aldı
3
Milliy gvardiya ve «samooborona» vekilleri de yardım etti
4
Merkeziy bazar çalışmay, «Lokomotiv» stadionı ögündeki meydan ise naqliyattan boşatıldı
5
Bazarnıñ merkeziy kirişi yanındaki ticaret noqtalarınıñ kiracıları eñ çoq zarar kördi – olar ticaret mal-mülkini çıqarmağa yetiştiremediler
6
Satıcılarnıñ aytqanına köre, başqalarğa böyle imkân berildi
7
«Krımdorstroy» samosvalları bozıp qoyulğan küçük bazar yanında
8
Rusiye kontrol etken Aqmescit yolbaşçısı Gennadiy Baharev jurnalistlerge «Krımdorstroy» bütün işlerni Pashağa qadar yekünlemeli, dep ayttı
9
Soñra aynı şirket Kozlov soqağını abadanlaştırmağa başlaycaq
10
«Mında yeşillik olacaq, 100 maşinanı sığdıracaq turaq yapacaqmız, bir qısmı cayav yeri olacaq, terekler oturtacaqmız», – dep ayttı Baharev
Facebook Forum