Link açıqlığı

Aprel 12 künü Hersonda tamır halqı ve küçük halqlar meseleleri boyunca ukrain eksperti, Pilip Orlık adına demokratiya İnstitutınıñ mutehassısı Natalya Bilitserniñ «Tamır halqı olğan qırımtatarlar» kitabınıñ taqdimi olacaq. Bu aqta Herson Vilâyet devlet memuriyetiniñ sitesinde haber etile, aynı bu binada taqdimi de ötkerilecek.

Matbuat hızmetiniñ ilânında: «Bu neşir – qırımtatar halqınıñ aqlarını qorçalamaq oğrunda ve Ukrainada adaletli ve tolerant cemiyetni qurmaq peşinde areket etken Natalya hanımnıñ yıllar devamında yapqan emeginiñ nenicesi. Bu kitap başta bir bu mevzuda çalışqan, ya da işi işğal olunğan topraqlardaki ceryanlarnen bağlı olğan, ve, elbette, Ukrainanıñ tamıq halqlarından biri olğan qırımtatarlarnen yaqınca tanış olmağa istegenler içün meraqlı olacaq», – dep aytıla.

Tedbir «Küreş» QMSM hayriye teşkilâtı, Herson şeer Meclisi, Herson Vilâyet devlet memuriyeti desteginen ötkerilecek. «Tamır halqı olğan qırımtatarlar» kitabı «Qırım Evi» desteginen azırlap neşir etilgeni aqqında haber etile.

XS
SM
MD
LG