Link açıqlığı

Ukrain tarafı İspaniyalı siyasetçiler eyyeti Qırımğa kelgeni aqqında malümatnı teşkere


Ukraina Tışqı işler nazirligi

Ukraina Tışqı işler nazirligi, İspaniyalı siyasetçiler ve iş adamlarınıñ eyyeti Rusiye tarafından işğal etilgen Qırımğa kelgeni aqqında malümatnı teşkere. Bunı Qırım.Aqiqatqa Ukraina TİN temsilcisi Maryana Betsa bildirdi.

«Böyle ziyaretler aqqında teşkerilgen malümat almaq kerekmiz. Bütün delillerni körmek kerekmiz, malümat bütün vaqianı aydınlatmalı», – dedi o.

Qırımda aprel 10 künü İspaniya Qırallığınıñ Endülüs milliy assambleyasınıñ prezidenti Pedro Altamirano ve Endülüs milliy fırqasınıñ (Malaga şeeri) federal reberi Salvador García Urbano yarımadanı ziyaret etkenleri haber etildi.

Ukraina Tışqı işler nazirligi bundan evel, çetel eyyetleriniñ Qırımğa yapqan ziyaretleri resmiy sayılmağanını beyan etken edi. Ukrain nazirligi iyül 25-de muracaatını aydınlatıp, çetel vatandaşları ve vatandaşlığı olmağan insanlarnı Qırımnı qanunsız usulnen ziyaret etmekten vazgeçmege çağırdı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG