Link açıqlığı

Qırımtatar jurnalistleri Qırımda Rus akimiyeti tarafından daa çoq nezaret etile. Bunı aprel 10 künü Qırım.Aqiqatqa qırımtatar milliy areketiniñ faali Ali Hamzin tarif etti.

Ali Hamzin: «Yarımadada qırımtatar gazetecilikniñ işine kelgende, o yerli akimiyet tarafından daa çoq kontrol etile, malümat daa çoq quru habercilik şekilinde keçe, ve, belki de, daa qaviy sıñırlar peyda oldı», – dedi.

Cemaat faaliniñ ayqanına köre, Qırımda Qırımtatar jurnalistikası kününiñ qayd etilüvi aqqında haber etilmey.

Qırımtatar jurnalistikası künü 2011 senesinden berli er yıl aprel 10 künü qayd etile. Böyle qarar Bağçasarayda qırımtatar kütleviy haber vastalarınıñ konferentsiyasında tasdıqlanğan edi. 1883 senesi aynı aprel 10-da İsmail Gasprinskiyniñ «Terciman» eki tilli qırımtatar neşiriniñ ilk sanı dünya yüzüni körgen edi.

XS
SM
MD
LG