Link açıqlığı

Qırımtatar kütleviy haber vastalarınıñ jurnalistleri bazarertesi künü, aprel 10-da, zenaat bayramını – Qırımtatar jurnalistikası kününi qayd ete. Onı altıncı kere qayd eteler: bayram Bağçasarayda 2011 senesi qırımtatar kütleviy haber vastalarınıñ konferentsiyasında tasdıqlanğan edi.

1883 senesi aynı aprel 10-da İsmail Gasprinskiyniñ «Terciman» eki tilli qırımtatar neşiriniñ ilk sanı dünya yüzüni körgen edi.

Neşir türk ve musulman aleminde büyük rol oynap, qırımtatar cemiyetiniñ canlanmasına ve zemaneviyleştirmesine adım attırğan edi.

Kyivde aprel 10-da «Qırımtatar matbuat vastaları: işğalge qarşılıq kösterilüviniñ üçünci yılı» mevzulı matbuat konferentsiyası keçirilmekte. Onı qırımtatar jurnalistikası kününe bağışladılar.

Qırımtatar Milliy Meclisiniñ azası, QHA müdiri Gayana Yüksel matbuat konferentsiyasında çıqışta bulunıp, Rusiye akimiyetiniñ Qırımda 80-den ziyade matbuat vastası qırımtatar ve ukrain tilinde çalışa kibi beyanatları «sayğısızlıq ve kerçekniñ bozıp kösterilmesidir», dep ayttı.

Qırımda Qırımtatar jurnalistikası kününe bağışlanğan bir de bir tedbir aqqında şimdilik haber etilmey.

XS
SM
MD
LG