Link açıqlığı

Qırımdaki mahkeme jurnalist Semenanıñ davasını aprel 18-de baqmağa devam etecek – advokat


Emil Kürbedinov

Jurnalist Nikolay Semenanıñ davası boyunca nevbetteki mahkeme diñlevleri aprel 18-de saat 14.30-da olacaqtır. Bunı advokat Emil Kürbedinov mart 3-de Qırım.Aqiqatqa bildirdi.

«Bugün qabaatnıñ 4 şaatı sorğuğa çekildi. Olardan ekisi FSB hadimi, olar Nikolay Semenanıñ tehnikiy vastalarını diñlegen ediler. Daa eki şaat sorğuğa çekildi, bu maqaleni oquğanlarını ayttılar. Olarğa ekstremist kibi keldi. Bu şaatlar içtimaiy işçiler ola. Olarnı taqiqat ne maqsadnen qoştı? Daa renkli olsun dep, mence», – dep tarif etti Kürbedinov.

Aprel 3-de Qırımda Qırım jurnalisti Nikolay Semenanıñ davası boyunca mahkeme diñlevleri olıp keçti.

Dekabr 7-de taqiqatçı jurnalist Nikolay Semenağa Rusiye Ceza kodeksiniñ 280.1 maddesiniñ 2-nci qısmındaki «Rusiye Federatsiyasınıñ topraq bütünligini bozacaq areketlerge açıq çağıruv yapması» ile qabaatlanğanını aydınlattı. Taqiqatçı tizgen cinaiy iş 6 cılttan ibaret.

FSB sorğusında Nikolay Semena yazğan işlerinde «fikirini bildirme» aqqını qullandı, dep bildirdi.

Qırımtatar halqınıñ lideri, Ukraina halq deputatı Mustafa Cemilev Nikolay Semenanı «namuslı bir jurnalist» olaraq adlandırıp, onıñ kibi insanlar «işğal etilgen Qırımda basqıncı rejimge razı olmağanını» qayd etti.

Ukraina milliy jurnalistler ittifağınıñ reisi Sergey Tomilenko Semenanıñ mahkeme esnasını «adaletsiz bir mahkeme» dep adlandırıp, onı medeniy bir areket şeklinde kösterece olalar, dep ayttı.

Nikolay Semenanıñ advokatları, Halqara ve Avropa jurnalistleri Federatsiyası, em de OSCE ifade serbestligi meseleleri Temsilcisiniñ ofisi, FSBge muracaat etip, onı Qırımdan tedaviylenmesi içün yibermege çağırdı, lâkin müsbet cevap şimdige qadar daa berilmedi.

Ukraina Tışqı işler nazirligi işğal etilgen Qırımda Ukraina vatandaşları, şu cümleden Nikolay Semenanıñ taqip etilmesinden qasevetlengenini bildirip, oña qarşı yapılğa basqını toqtatmağa çağırdı.

XS
SM
MD
LG