Link açıqlığı

Aprel 6 künü Strasburgta Avropa Parlamentiniñ toplaşuvında Ukraina içün AB tarafından vizasız rejimniñ kirsetilmesine qol tuttılar. Radio Svoboda muhbiri bildirgeni kibi, qararğa 521 Parlament azası qol tuttı, 75 qarşı çıqtı ve 36 bitaraf oldı.

Muhbirniñ bildirgenine köre, AB elçileri bu meseleni ende aprel 26 künü baqacaqlar.

Aprel 5 künü Avrova Parlamentinde Ukraina içün Avropa Birligine vizasız rejimniñ berilmesi aqqında munaqaşa keçti.

Avropa Parlamentinde ötkerilgen rey berüvinden soñ nevbetteki adım Daimiy temsilciler Komitetinde (COREPER) ve soñ AB Nazirler Şurasında rey berüv olacaq.

Bundan evel AB, Ukraina içün vizasız rejımı iyünniñ soñunda ola bilecegini bildirgen ediler.

Vizadan serbest omaq añlaşması Ukraina içün Büyük Britaniya, İrlandiyadan ğayrı Avropa Bilginiñ bütün devletlerinde çalışacaq, ancaq şengen alanına kirip AB azası olmağan Norvegiya, İslandiya, Lihtenşteyn ve İsveçrede vizasız rejim olmaycaq.

Aprel 6 künü Avropa Parlamentinde Belorusyede yüz bergen soñki vaqialar ve Rusiyedeki tutuvlar aqqında rezolütsiya muzakere etilecek.

XS
SM
MD
LG