Temeli Büyük Britaniyada olğan «Süriyede insan aqlatı boyunca observatoriya» nezaret teşkilâtınıñ bildirgenine köre, himik ücüm neticesinde ölgenlerniñ sayısı 72 qadar yetti. Aprel 5 künü yayınlanğan haberinde öldürilgenlerniñ yarısı – qadın ve balalar olğanı beyan etile.
Akimiyetke qarşı olğanlarnıñ nezaretindeki İdlib rayonındaki Han-Şeyhun şeerinde birinci çıqqan haberlerde 58 ölü aqqında bildirile edi. Aprel 4 künü yüz bergen adiseden soñ, ekimler siñir-danma ğazı – zarin qullanıldı dep tahmin eteler.
BMT Telükesizlik Şurası aprel 5 kününe bu ücümni maküm etken rezolütsiyanıñ baqılması içün toplaşuv tainledi. Rezolütsiya muellifleri Ğarb memleketlerniñ diplomatları ola.
Qoşma Ştatları ve diger devletler, prezident Başar Asadnıñ akimiyetini insanlarnıñ öldürilmesine bağlı olğanlarında qabaatlaylar. Telükesizlik Şurasında qararlarnı lâğu etmege aqqı olğan Rusye öz ittifaqdaşını aqlamağa çalıştı.
Rusiye Mudafaa nazirligi beyan etti ki, avanıñ bulaşması – akimyetke qarşı çıqqanlarnıñ nezaretindeki himik silâ anbarına Süriye akimiyet küçleri tarafından yapılğan ava darbe neticesinde oldı.
