Link açıqlığı

Qırım ve Donbasstan 1 mln 200 biñ qoranta köçip keldi – Ukraina İçtimaiy siyaset nazirligi


«Çonğar» kiriş-çıqış nezaret noqtası, Qırım ve esas Ukrainanıñ memuriy sıñırı

2017 senesi aprel 3 kününe qadar Donbass ve işğal etilgen Qırımdan köçip kelgen qorantalarnıñ sayısı 1 mln 200 biñ insanğa qadar yetti, dep bildire Ukraina İçtimaiy siyaset nazirliginiñ matbuat hızmeti.

«Vilâyetlerniñ ve Kyiv rayon devlet memuriyeti içtimaiy qoruv bölükleriniñ malümatlarına köre, 2017 senesi aprel 3-ne qadar Donbass ve Qırımdan köçip kelgen 1 mln 590 056 insan ve 1 mln 278 204 biñ qoranta qayd etildi. 2017 senesi mart 30-na qadar yardım alğanlarğa 764 669 biñ grivna berildi», – dep qayd etile haberde.

2014 senesi mart ayında Rusiye Qırımnı işğal etken soñ yarımada sakinleriniñ bir qısmı esas Ukrainağa köçip keldi. Fevral 28-ne qadar Ukraina fevqulâde vaziyetler meseleleri devlet hızmetiniñ regional ştabları memleket içinde köçip kelgen 1 mln 62 460 biñ insannı qayd etti.

XS
SM
MD
LG