Link açıqlığı

Saatnıñ esas haberi

Aqmescitte Cuma Caminiñ qurucılığı grafikni özip keçti – Balbek


Tasviriy fotoresim
Tasviriy fotoresim

Qırım müsülmanlarnıñ esas diniy öbyekti olmaq içün qurulğan Cuma Caminiñ qurucılığı belgilengen plannı bir ayğa özip keçti. «RİA Novosti Krım» bergen heberine köre, bunı Rusiye Develt Dumasınıñ deputatı Ruslan Balbek aytqan.

«Bu afta qurucılar esas küçlerinen çıqa. Qırıcılıq bir aynı özip keçe. Şimdiki zamanda qurucılıq meydanında yardımcı binalar qurula, cami temeliniñ esas beton pilâkisiniñ qoyılması ise 21 aprelge planlaştırıldı», – dedi Balbek.

Fevralde Ruslan Balbek, Aqmescitte Cuma Cami 2019 senesi aprel 21 künü açılacağını beyan etti.

Balbek: «Cuma Camini 2019 senesi 21 aprelde açmağa qarar alındı. O künü cumhuriyette, repressiyalarğa oğratılğan halqlarnıñ aqlanması aqqında feramnnıñ çıqması munasebetinen, beşinci sene yañı bayram qayd etilecek», – dep aytqan.

Cuma Caminiñ qurucılığı 2015 senesi sentâbr 25 künü başlanğan edi. O Aqmescit suv anbarı civarında, şeerniñ cenübiy töpesinde qurula. Leyhağa köre, onıñ eki qısımı olacaq: 28 metr yükseklikte qubbe ile esas bina (37-ge 37 metr büyükliginde) ve iç azbarında sutun sırası ve şadırvan olacaq. Caminiñ dört minaresi olacaq, er biri 50 metrdir.

Ruslan Balber 2016 senesi 18 sentâbrde ötkerilgen saylavlar neticesinde Rusiye Devlet Dumasınıñ deputatı oldı. Ğarbiy devletler bu Qırımda ötkerilgen bu saylavlarnıñ qanuniyetini qabul etmedi ve Balbeknen beraber yarımadada saylanılğan diger deputatlarğa da şahsiy sanktsiyalarnı qabul etti.

XS
SM
MD
LG