Ukrainanıñ şarqında dava neticesinde zarar körgenlerge Yaponiya 3,9 million dollar miqdarında yardım berecek ola. Bunı Yaponiyanıñ Ukrainadaki elçisi Shigeki Sumi beyan etti.
«Bu yardım Donbassnı yañıdan tiklenmesi içün bir yıl devamında berilmesi planlaştırıla. Bu – regionğa yardım bermekniñ devamıdır», – dedi o.
Paralar 2017 senesi aprel 1 kününden başlap ayırılacaq, dep qayd etti diplmat.
Yaponiya Ukrainağa birinci sefer yardım köstermey, meselâ, keçken sene Yaponiya Ukraina şarqında infrastrukturanıñ ğayrıdan tiklenilmesi içün içtimaiy yardım olaraq 13,6 million dollar ayırdı.
2014 senesi baarde Qırım işğal etilgen soñ, Ukraina şarqında silâlı dava başlandı. Ukraina ve Ğarb Rusiyeni ayırımcılarğa arbiy destek bergeninde qabaatlaylar.Kreml bunı red ete ve Donbassta tek rusiyeli «göñülliler» bulunğanını tanıy. BMT malümatına köre, Donbassta dava başlanğanından 2017 senesi fevral ayına qadar 9,9 biñ insan elâk oldı.
