Ay-Petri tepesinde yaylada yañı qurucılıqnıñmümkün degil, çünki bu menfiy aqibetlerge ketirmek mümkün. Bunı mart 30 künü Qırım.Aqıqatqa bergen izaatında Aqyarlı ekolog Margarita Litvinenko beyan etti.
«Ay-Petri tepesinde yaylağa toqunmamalı. Aqılsızca tabiat alına qarışmaq, onı deniştirmek – ancaq menfiy neticeke ketirir», – qayd etti Litvinenko.
Mart 30 künü Kreml nezaretindeki Yalta memuriyetinde Ay-Petri tepesinde tegiz yerde binalarnıñ yañıdan qurulmasınıñ bir qaç leyhası üzerinde iş alıp barılğanı aqqında haber etildi.
Rusiyeli Yalta memuriyetiniñ resmiy olmağan yolbaşçı mesleatçısı Anri Kanunov, «tepesinde neler olacağı aqqında aytmağa daa erte, çünki leyha daa seçilmedi» dep ayttı.
Kanukov, mesele Ay-Petride küçük eko-şeerniñ qurulmasınen bağlı olğanını dedi. Tepesinde tegiz yerde camlı közetüv meydançıqları, taştan labirint olmaq mümkün. Yol tarafından küçük kilse quracaq olalar.
