Link açıqlığı

Qırımda faal Remzi Bekirov yaqalandı. Onı sanki içtimaiy ağda yasaq etilgen malümatnı paylaşması ile qabaatlaylar. Bunı Qırımlı advokat Edem Semedlâyev Facebookta haber etti.

Advokatnıñ aytqanına köre, Bekirovnı Rusiye Memuriy cinayetler kodeksiniñ 20.29 maddesi boyunca – ektremist malümatlarını azırlama ve tarqatması – qabaatlaylar.

Qırım.Aqiqat tafsilâtlı malümat almağa tırışa.

Mart 29-da Aqmescitteki Qırım Yuqarı mahkemesiniñ binası ögünde faal Belâl Adilov yaqalanğan edi. Advokat Emil Kürbedinovnıñ bildirgenine köre, Adilov Rusiye Ceza kodeksiniñ 318-inci maddesi boyunca qabaatlana – akimiyet vekiline qarşı zorbalıq ya da telüke qullanması.

Advokat Edem Semedlâyev alınacaq tedbirlerni belgileycek mahkeme oturışı cumaaqşamı künü, mart 30-da, olacağını haber etti.

Qırımnıñ Rusiye uquq qoruyıcı qurulışları faallerniñ yaqalanmasını izaatlamadı.

Qırım Rusiye kontroli altına keçken soñ yarımadada FSB jurnalist, advokat, cemaat erbabı ve qırımtatarlarnı sorğuğa çekip, evlerinde tintüvler keçire.

Ukraina Tışqı işler nazirligi işğal etilgen Qırımda Ukraina vatandaşlarınıñ taqip etilmesinden qasevetlengenini bildirip, basqı kösterilmesini toqtatmağa çağırdı.


XS
SM
MD
LG