Link açıqlığı

AQŞ Senatı çoqluq reylerinen Montanegronıñ NATO-ğa kirmesi içün qol tuttı ve bunen Balkan memleketine arbiy itifaqqa yol açtı. Mart 27 künü Senatnıñ 97 azası munaqaşa yekünlenmesine qol tuttı ve bu aftanıñ soñunda Montenegronıñ NATO azalığına qabul etilmesi boyunca reyberüvine izin berdi.

Cumhuriyetçi-senatlar Rand Paul ve Mike Lee eki reynen qarşı çıqtılar.

Soñki rey berüv AQŞ Kongressiniñ Yuqarı Palatasında keçirilecek. Bu da yerine kelgen soñ, Montenegronıñ resmiy olaraq azalıq muracaatını ittifaqnıñ 28 azalarından soñkisi – İspaniya qol tutmaq kerek olacaq.

Bazı nezaretçiler, prezident Donald Trump Rusiyege nisbeten yımşaq olğanından sebep NATO-nıñ keñişlenmesine destek zayıflaşacağını bellediler, lâkin AQŞ Montenegronıñ ittifaqqa kirmek niyetine küçlü destek berdi.

Ekspertler deyler ki, Montenegro NATO azası olsa – Avropanıñ siyasiy ve iqtisadiy strukturalarına yaqınlacaq ve birleşmeniñ keñişlenmesine qarşı çıqqan Moskvanıñ açuvını qozğalatacaq.

XS
SM
MD
LG