Link açıqlığı

FSB Qırım ile memuriy sıñırdan keçkenlerniñ 90%-nı işbirligine celp etecek ola – İslâmov


Lenur İslâmov

Rusiye işğal etken Qırım ile memuriy sıñırdan keçken insanlarnıñ büyük qısmı Federal havfsızlıq hızmetiniñ (FSB) tesiri altında qala ve işbirligine celp etile. Böyle bir fikirni «Asker» cemaat birleşmesiniñ yolbaşçısı Lenur İslâmov Qırım.Aqiqat Radiosınıñ yayınında seslendirdi.

O, işğal altındaki Qırımda esas Ukrainadaki vaziyetni kerginleştirmek içün Rusiye lagerleri azırlanğanına dair malümatnı izaatladı.

«FSB (Qırımda – QA) ukrain mustaqilligi yıllarında öyle bir areket etmege ögrendi – Qırımda ciddiy tamırları bar. Qullanğan unsurları – Ekinci cian cenkinde tam Gitler. Sıñırdan (işğal etilgen Qırım ile memuriy sıñırdan – QA) keçkenlerniñ ekseriyetine, 90%-na, farqlı şekilde işbirligi teklifleri yapıla», – dedi İslâmov.

ATR telekanalınıñ Ukraina casuslıq ile küreş hızmetinen beraber çıqarğan vesiqalı film Rusiye mahsus hızmetleri işğal etilgen Qırım sakinlerini işbirligine celp etkenini añlata. FSBni eñ çoq qırımtatarlar meraqlandıra. FSB hadimleri 2014 senesiniñ vaqialarından evel qırımtatarlarnen çalışmağa başladı, ve bazıları işbirligine razı oldı, dep bildirdi Ukraina casuslıq ile küreş hızmetiniñ hadimi levhada.

2015 senesi Ukraina havfsızlıq hızmetiniñ yolbaşçı muavini Mihail Glugovskiy Rusiye işğal altındaki topraqlarda diversantlarnı azırlay, dep bildirgen edi.

2017 senesi yanvar ayınıñ soñunda Ukraina deputatı Anton Geraşçenko Rusiye aq qoruyıcıları memlekette diversiya ve terakt yapacaq 50 Ukraina vatandaşından ibaret bir taqım azırlağanını aytqan edi.

XS
SM
MD
LG