Link açıqlığı

Saatnıñ esas haberi

Qırımtatarlar balalarını «dört prezidentniñ mektebine» yazdırmağa aşıqmay


Aqmescitte qırımtatarlar toplu yaşağan Borçoqraq (Fontanı) qasabasınıñ sakinleri 20 yıl devamında qurulıp açılğan №44 umumtasil mektebine balalarını pek faal yazdırmay. Bunı yerli sakinler Qırım.Aqiqat mühbirine tarif etti.

Qasaba sakininiñ aytqanına köre, cemaat körüşüvlerinde faaller «dört prezidentniñ mektebi» olaraq belli olğan oquv yurtuna balalar yazdırılmalı, dep qayd etken ediler.

Onıñ bildirgenine köre, al-azırda sınıflar ancaq 60-70%-ğa toldurıldı. «Er kes taaciplene, 20 yıldan berli açılması beklenilgen mektepke ana-babalar balalarını yazdırmağa aşıqmay. Olar uzaq rayonlarda yerleşken diger mekteplerni saylap alalar», – dep qayd etti qadın.

Mektep 2016 senesi dekabr ayında açıldı, 2017 senesi fevral ayında ise birinci sınıfqa baracaq balalarnıñ ana-babaları ariza bermege başladılar. Oquş sentâbr ayında başlaycaq, dersler rusça ve qırımtatarca añlatılacaqtır.

Yañı mektep 825 talebeni sığdıracaq, 33 sınıf olacaqtır.

Oquv yurtu «Rusiye Federatsiyasınıñ talaplarına» uyğan zemaneviy aletlernen, şu cümleden yanğın telükesizlig ve video nezareti sistemasınen donatıldı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG