Link açıqlığı

Rusiyede habarcılıq ile küreş miting iştiraşçilerine qarşı mahkemeler devam ete


Aleksey Navalnıy Tver mahkemesiniñ toplaşuvında

Rusiye mahkemelerinde mart 26 künü qabarcılıqqa qarşı aktsiyalar devamında yaqalanğanlar boyunca davalar baqılmağa devam ete.

Politsiyanıñ 11 bölüklerinde eki kün devamında bulunğanlarnıñ işleri Moskva mahkemelerinde baqıla. «OVD-İnfo» sitesiniñ malümatına köre, olar eñ azından 70 insannı teşkil ete. Olarğa qarşı memuriy apiske ketirecek uquq bozuvı boyunca protokollar tizildi.

Mart 28, salı künü Moskvanıñ Simonov rayon mahkemesi Qabarcılıqqa qarşı küreş Fondınıñ hadimi Ruslan Ablâkimovke yedi kün apis cezasını berdi.

Bundan evel aynı mahkeme «O bizge Dimon degil» aktsiyasınıñ online-yayınını teşkil etken QQK Fondınıñ 11 hadimi ve mutehassısını apis etti. Qoşma esapta umumen olarğa 118 kün memuriy apis cezası berildi.

Rusiyeli muqalifetçi Aleksey Navalnıynı de politsiya hadimlerine riayet etmgeni içün 15 künge apis ettiler. Ondan da ğayrı aktsiyanı teşkil etkeni içün Navalnıyge 20 biñ ruble para cezası berildi.

Yujno-Sahalinskte mahkeme qabarcılıqqa qarşı aktsiyasında yaqalanğanlardan birini aqladı, dep haber ete «OVD-İnfo».

Mart 26 künü Rusiyeniñ onlarce şeerlerinde biñlerce insan iştirağınen qabarcılıqqa qarşı mitingler ötkerildi. Mitingler ükümet yolbaşçısı Dmitriy Medvedev qabarcılıqqa bağlı olması ihtimalı sebebinden oldı, şeerlerniñ çoqusında olar ruhsetsiz edi. Bütün Rusiyede bir buçuq biñ qadar faaller yaqalandı.

XS
SM
MD
LG