Endiden soñ biometrik pasport saipleri olğan Gürcistan vatandaşları Avropa Birliginiñ çoqusı aza-devletlerine vizasız seyahat ete bileler. Salı künü Gürcistan içün viza rejimi serbestleşti. Böylece, mart 28 kününden itibaren Gürcistan vatandaşları «şengen alanında» 180 künlik müddetten 90 kün devamında vizasız bulunması mümkün.
Vizadan serbest omaq añlaşması Gürcistan içün Büyük Britaniya, İrlandiyadan ğayrı Avropa Bilginiñ bütün devletlerinde çalışacaq, ancaq şengen alanına kirip AB azası olmağan Norvegiya, İslandiya, Lihtenşteyn ve İsveçrede vizasız rejim olmaycaq.
Fevral 2 künü Avropa Parlamenti, Gürcistan içün vizasız rejımıne qol tuttı, bundan soñ Avropa qaidelerine köre añlaşma daha bir qaç basamaqta qabul olundı. Aynı rejimni şimdi Ukraina da beklemekte.
