Rusiye işğal etilgen Qırımnı qorqu ve qanunsızlıq alanına çevirip, ukrain yarımadasında askerlerni yerleştirmege devam ete. Bunı Ukraina Yuqarı Radasınıñ reisi Andriy Parubiy bazarertesi künü, mart 27-de, Ukraina-Poloniya-Litvaniya üç taraflı Parlament Assambleyasında ayttı, dep bildire Poloniyadaki Ukraina elçihanesiniñ matbuat hızmeti Twitterde.
Parubiy Baltik-Qara deñiz regionında parlamentlerara işbirliginiñ kenişletilmesini üç memleketniñ strategik vazifesi dep adladı.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
