Rusiye paytahtı Moskvanıñ Tverskaya rayon mahkemesi Qabarcılıqqa qarşı küreş Fondınıñ tesisçisi Aleksey Navalnıynı Moskvanıñ merkezinde aktsiyalar teşkil etkeninde qabaatlı tanıp 20 biñ ruble (tahminen 350 dollar) bara cezasını berdi. Bunı Rusiyeli muhalifetçiniñ matbuat kâtibi Kira Yarmış haber etti.
Navalnıynıñ advokatı Olga Mihaylovanıñ sözlerine köre, qanunsız şekilde onıñmüşterisini – cemaat yerlerinde kütleviy surette aynı zamanda vatandaşlarnıñ toplaşqanı ve bunuñ aqibetinde cemaat tertibini bozğanını teşkil etkeninde qabaatladılar, çünki bu maddege köre adamnı apis etmege mümkün.
Mihaylova mahkeme solonundan Navalnıynı azat etilmesini talap etti. Muhalifetçi özü ise mahkemede Rusiye akimitiniñ yolbaşçısı Dmitriy Medvedivni sorğuğa çekmege rica etti. QQKF tarafından qabarcılıqta qabaatlanğan Medvdevni, Navalnıy « narazlıq areketiniñ asıl teşkilâtçısı» olaraq tanıttı. Mahkemeci imaye tarafınıñ bütün muracaatlarını red etti.
Navalnıy arfesinde Moskva merkezinde Tverskaya soqağında Rusiye akimiyetiniñ razlığı olmağan qabarcılıqqa qarşı aktsiyası başlanmazdan evel yaqalandı. Aynı zamanda QQKF hadimlerini tuttılar, teşkilâtnıñ ofisinde tintüv yapıldı.
Mart 26 künü Rusiyeniñ onlarce şeerlerinde qabarcılıqqa qarşı mitingler ötkerile. Olarda onlarce ve binlerce insanlar iştirak etti. Rusiye paytahtı Moskvada ruksetsizaktsiya Tverskaya soqğında kezme şekilinde keçti. Farqlı malümatlarğa köre, oña 8den 20 000 insan qadar qoıldı. Yaqalanğanlarını nezaret etken Rusiye portalı «OVD-İnfo» malümatına köre, 1033 aktsiya iştirakçısı yaqalandı.
