Link açıqlığı

Saatnıñ esas haberi

Moskvada qabarcılıqqa qarşı narazılıq aktsiyasında 130-dan ziyade adam tutıldı


Moskvada qabarcılıqqa qarşı miting, 26 mart 2017 senesi
Moskvada qabarcılıqqa qarşı miting, 26 mart 2017 senesi

Moskvada qabarcılıqqa qarşı aktsiyasında 130 neferden ziyade adam tutıldı. Bunı «OVD-İnfo» haber ete.

Tverskaya soqağında tutuvlar devam ete, dep bildirile.

Radio Svoboda bildirgeni kibi, Puşkin meydanı sarılğan. Faallerniñ sözlerine köre, politsiya hadimleri tayaq qullanalar. Yüzge yaqın omon hadimi bir sıra miting iştirakçilerini ayırıp, olarnı meydandan çıqaralar. Bir qaç yüz adam Kreml tarafına yol aldı.

Bundan evel politsiya, Rusiye paytahtında miting teşkil etip ve bu kibi mitinglerini bütün memlekette keçirmege çağırğan muqalifetçi Aleksey Navalnıynı Moskvanıñ merkezinde yaqaladı.

Mart 26 künü bütün Rusiyede qabarcılıqqa qarşı mitingler ötkerile. Narazlıqlar, ükümet yolbaşçısı Dmitriy Medvedevniñ gizlenilgen malı aqqında Qabarcılıqqa qarşı Fondınıñ taqiqatı yayınlanmasınen bağlı. Şeerlerniñ çoqusında akstiyalarnıñ keçirilmesine ruhset berilmedi.

XS
SM
MD
LG