Link açıqlığı

Saatnıñ esas haberi

Minskte biñge yaqın insan yaqalandı – ukrain jurnalisti


Minskte Üriyet künü, 2017 senesi mart 25 künü
Minskte Üriyet künü, 2017 senesi mart 25 künü

Mart 25-de Minskte olıp keçken muhalifet aktsiyasında yaqalanğan insanlarnıñ sayısı aman-aman bir biñge yetti. Bunı Aqrusiye paytahtındaki vaqialarnı aydınlatqan ukrain jurnalisti Konstantin Reutskiy Facebook saifesinde bildirdi.

«Şimdilik ögrenilgen malümatqa köre, bugün tahminen biñ kişi yaqalandı. Faal, jurnalist, aq qorçalayıcı, adiy insanlar. Militsiya tehnikasını alıp endi ketken, metronıñ merkeziy stantsiyaları açıldı. Adiy cumaertesi kününiñ aqşamı», – dedi Reutskiy.

Tasdıqlanğan malümat esasında haber bergen «Vâsna» aq qorçalayıcı merkezi yaza ki, olarnıñ cedvelinde 300 insandan ziyade yaqalandı.

Yaqalanğanlarnıñ sayısı ve bunıñ sebeplerine dair resmiy bir malümat yoq.

Radio Svobodanıñ Aqrusiye muarririyeti bildirgenine köre, mart 25-de saba Aqrusiye uquq qoruyıcıları tarafından «Vâsna» teşkilâtınıñ ofisinde yaqalanğan insanlar azat etildi. Olarnı yerli saat ile 14:00-da başlaycaq aktsiyadan evel tutqanlar.

Minskte mart 25-de muhalifet Üriyet kününi qayd etecek edi, lâkin evelden ilân etilgen toplaşuv yerine Milliy ilimler akademiyasınen beraber esasen jurnalistler kirip oldı. Aktsiyada iştirak eteceklerni militsiya hadimleri toqtata edi.

Bundan soñ qararnen biñ faal Minsk merkezine taba yol aldı, amma militsiya hadimleri olarnı toqtatıp yaqalamağa başladı. Radio Svoboda mühbiri Valeriy Kalinovskiy yaqalanğanlarnıñ sayısını 2006 ve 2010 seneleri narazılıq aktsiyalarda olğan yaqalavlar ile qıyasladı.

XS
SM
MD
LG