Link açıqlığı

Aqyar Qırımnıñ cenübiy yalısına turistik saada raqiplik etip olamay – Qanun çıqarıcı meclisniñ reisi


Aqyar Qırımnıñ cenübiy yalısı ve Rusiyedeki Soçige turistik saada iç bir vaqıt raqiplik etip olamaz. Bunı Aqyarnıñ 2030 senesine qadar içtimaiy-iqtisadiy inkişaf leyhasınıñ muzakeresi devamında Kreml nezaretindeki Qanun çıqarıcı meclisiniñ reisi Yekaterina Altabayeva bildirdi.

«Leyha umumen Aqyarnıñ inkişafı içün maneviy ceetten küçlü, kerekli ve cesaretli bir vesiqa ola. Bunnen beraber şeerniñ missiyasına kirgen bir maddeni, belki de, çetke almağa mümkün edi. Leyhada şeer missiyası böyle açıqlana: «Aqyar – Rusiyeniñ Qara deñizdeki stratecik coğrafiyada, medeniy-tarihiy, içtimaiy, raatlıq-turistik merkezi, yaşamaq, çalışmaq, icat etmek ve raatlanmaq içün kelişken şeer». Er şeynen razım. Ancaq «raatlıq-turistik merkezinen» razı degilim», – dedi Altabayeva.

İnkişafnıñ esas yönelişlerinde – Aqyar bütün yıl devamında hızmet etken istiraat şeeri olğanı yazılğan, ve bunnen de o razı olmadı.

«Bizde şıfahane yoq. Aqyar – istiraat merkezi olaraq iç bir vaqıt inkişaf etilmey edi», – dep qayd etti Altabayeva.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG