Link açıqlığı

Zagrebte Rusiye elçihanesi yanında aktsiya keçirgen Qırım mühlisleri yaqalandı – faal


Zagrebde Qırım futbol mühlisleri, Hırvatistan, 2017 senesi mart 24 künü

Zagrebde (Hırvatistan) «Tavriya» ve «Sevastopol» Qırım futbol taqımlarınıñ mühlisleri Rusiye elçihanesi ögünde aktsiya keçirgeninden sebep tutıldı. Bunı mühlislerden biri, faal Maksim Kitsük Facebook saifesinde yaza.

Berilgen malümatqa köre, futbol mühlisleri bir qaç Ukraina bayrağını açıp, «Qırım – Ukrainadır» şiarlarını seslendirdi.

«Tavriya » ve «Sevastopol» Qırım futbol taqımlarınıñ mühlisleri Zagreb şeerinde mart 24-de Dünya çempionatı-2018 Avropa tasnifinde Ukraina cıyma taqımına Hırvatistan ile kerçekleştirecek oyunda qoltutmağa keldi.

2016 senesi avgust ayında esas Ukrainada Qırım futbolı federatsiyasınıñ işi yañıdan başlatıldı.

Aqmescitteki «Tavriya» futbol klubı 2016 senesi aveskârlar arasında Ukraina Çempionatına alındı. Taqımnıñ baş idmancısı Sergey (Yakovleviç) Şevçenko, klub prezidenti Sergey Künitsın oldı.

XS
SM
MD
LG