Link açıqlığı

Kremlniñ nezaretindeki Aqmescit Kiyev rayon mahkemesi Nikolay Polozovnıñ şikâyetini red etti ve FSB tarafından «qanunsız sorğu» vaqıtında yapılğan areketlerni muzakere etmege istemedi.

«Qırım mahkemesi, beklenilgeni kibi, FSB taqiqatçısınıñ qanunsız areketlerine qarşı menim şikâyetimi red etti. Devamında itiraz ve İAAM (İnsan aqları Avropa mahkemesi) olacaq», – dep yazdı advokat Twitterde.

Kreml kontrol etken Qırım Yuqarı mahkemesi fevral 14 künü advokat Nikolay Polozovnıñ Aqmescitteki Kiyev rayon mahkemesiniñ mahkemecisi Viktor Mojelânskiyniñ Rusiye FSB taqiqatçısı İgor Skripkağa onı «Umerovnıñ davasında» şaat olaraq sorğuğa çekmege ruhseti sebebinden bergen şikâyet arizasını red etti.

Birinci instantsiya mahkemesiniñ qararı deñştirilmedi. Böylece, Qırımnıñ Yuqarı mahkemesi yanvar 25-de Polozovnıñ FSB hadimleri tarafından yaqalanmasını qanunğa uyğun dep tanıdı.

Polozovnıñ «Umerov davasından» ayırılması mahkeme toplaşuvlarınıñ ketişatına tesir etmesi mümkün. Böyle bir fikirni qırımtatar milliy areket iştirakçisi İlmi Umerov seslendirdi.

XS
SM
MD
LG