Link açıqlığı

Saatnıñ esas haberi

Qırımda «Çiygoz davası» ve «fevral 26 davasınıñ» mahkemeleri devam ete


Kreml kontrol etken Aqmescitniñ Merkeziy rayon mahkemesinde cumaaqşamı künü, mart 23-de, Qırımtatar Milliy Meclisiniñ reis muavini Ahtem Çiygoznıñ davası ve «fevral 26 davasınıñ» oturışları keçirilecektir. Bunı Qırımtatar Milliy Qurultayı Merkeziy saylav komissiyasınıñ reisi Zair Smedlâyev Facebook saifesinde bildire.

«Bugün, mart 23-de, saat 9.30-da Ahtem Çiygoz davasınıñ mahkeme oturışı devam etecektir. Saat 13.00-da Aqmescit şeeriniñ Merkeziy rayon mahkemesinde «fevral 26 davasınıñ» Ali Asanov, Mustafa Degermenci, Eskender Kantemirov, Eskender Emirvaliyev ve Arsen Yunusovğa nisbeten oturışı devam etecek», – dep yazdı Smedlâyev.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, şu cümleden «Rus Birligi» firqası, miting iştirakçilerine qarşı çıqqan edi.

Rusiye mahkemesi iyül 20-de qapalı toplaşuvda «fevral 26 işini» ekige böldi: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG