Link açıqlığı

Mart 22 künü Kreml nezareindeki Qırım parlamenti 2017 senesiniñ Qırım bücetine kirsetilgen deñişmelerni tasdiqladı. Böylece, qazanç ve masraflar qısımı 1,55 milliard rublege eksildi. Mutenasip qanun leyhası Qırım parlamentiniñ resmiy sitesinde yerleşritildi.

Qırımda Rus akimiyetiniñ «sesi» olğan «Krıminform» sitesi haber ete ki, yarımadanıñ Maliye naziri İrina Kiviko profil bölüginiñ toplaşuvında «federal sermiya programmasına köre bu qadar azca para keldi» dep bildirdi.

2016 senesi dekabr ayında işğal olunğan Qırımda 2017 senesine bücetni qabul ettiler ve olacaq qazançlarnıñ ösmesi «rekordlı» olacağı aqqında esabat berdiler. Qabul etilgen vesiqağa binaen, yarımadanıñ qazançı 132 milliard ruble, masrafları ise 135 milliard rublege yaqın olmalı.

Ukraina Yuqarı Şurası, 2014 senesiniñ fevral 20 resmiy olaraq Qırımnıñ ve Aqyar şeheriniñ işğali künü olaraq ilân etti. Oktâbr 7 künü 2015 senesinde Ukraina prezidenti Petro Poroşenko mütenasip qanunnı imzaladı. Halqara teşkilâtlar, Rusiye tarafından Qırımğa qarşı yapılğan işğal areketlerini qanunsız sayıp, onı takbih etti. Ğarp devletleri, Rusiye içün bir sıra iqtisadiy sanktsiyalarnı ömürge keçirdi. Rusiye öz tarafından yarımadanıñ işğalini inkâr etip, buña «tarihiy adaletniñ ğayrıdan tiklemesi» kibi baqa.

XS
SM
MD
LG