Moskvada ukrain jurnalisti Roman Tsimbalükniñ tutılması içün resmiy sebep – vesiqalarnıñ teşkerilmesi olsa da, Tışqı işler nazirligi bunı Rusiye tarafından yapılğan provokatsiya olaraq tanıy. Bını Radio Svobodağa bergen izaatında Ukraina TİN temsişcisi Maryana Betsa beyan etti.
O dedi ki: «Qanınsız tutuluv aqqında haber alğanımıznen, konsulımız birden politsiya bölügine keldi. Biz Rusiye Tışqı işler nazirligini de bu meselege celp ettik, bu adiseniñ sebebini ögrenmege istedik – çünki bu jurnalist Rusiyede çalışmaq içün izin alğan edi, anda ende çoq yıllar devamında çalışa. Ekinciden, onıñ azat etilmesi içün tedbir alınılmasını istedik. İlk malümatqa köre, protokol tizilmedi, resmiy sebep – vesiqa teşkerüvi. Bunen beraber, biz añlaymız ki, ukrain jurnalistlerini Rusiye Federatsiyasında manasız tutmaylar».
Jurnalist Roman Tsimbalük ve operator Nikita Borodin mart 21 künü tutuldılar. Aliy oquv yurtınıñ binasında ukrain bayrağını asqan Moskva devlet universitetiniñ aspirantı ile subet yazğanları vaqqıta olarnı tuttılar ve vesiqalarını tutıp aldılar.
Tsimbalükniñ sözlerine köre, onı «çekimlerniñ ruhsetini» teşkermek içün polis bölügine ketirdiler.
