Link açıqlığı

Fevralde Qırımğa 10 Rusiye ava şirketiniñ uçaqları uçuş yaptı – nezaretçiler


Aqmescitniñ avalimanı, arhiv fotoresimi

2017 senesi fevral ayında Qırımğa 10 Rusiye ava şirketiniñ uçaqları uçuş kerçekleştirdi. Öyle neticege «Maydan zakordonnıh sprav» ve BSNews nezaret taqımları keldi.

«Aeroflot», «Rossiya», «Ural ava yolları», «Globus», «S7 Airlines», «Vim-Avia», «YVT», «Red Wings», «Nordwind Airlines», «Ikar (Pegas)» avia şirketler uçuş yapqanları aqqında haber etile.

Nezaretçiler taqımınıñ malümatına köre, keçken sene 12 öyle avia şirketler bar edi, 2015 senesiniñ başında ise – 11. Aqmescit avalimanından ve oña kelgen uçuşlarnıñ sayısı 2015 senesi fevralde – 1246, 2017 senesi fevralde – 1756, ve 2017 senesi fevralde – 1252 teşkil etti.

2014 senesi mart ayında Rusiye Qırımnı zapt etken soñ Qırım avalimanları Ukraina akimiyetiniñ qararınen qapatıldı. Andan ve anda uçuşlar Ukraina qanunlarını ve halqara qaidelerini bozması olaraq sayıla,onıñ içün avia şirketlerge qarşı Ukraina ve grajdanlıq aviatsiya Halqara teşkilâtı (GAHT) tarafından sanktsiyalar kirsetilmek mümkün.

Şimdilik Qırımğa uçuşlarını sadece rusiyeli avia şirketler yapa.

XS
SM
MD
LG