Link açıqlığı

Çehiya ve Finlândiya TİN Ukraina ve Qırımnı desteklegenlerini bildirdiler


Tasviriy resim, (©Shutterstock)

Mart 18 künü öz Twitter saifelerinde Çehiya ve Finlândiya Tışqı işler nazirlikleri Ukrainanıñ territorial bütünligini desteklegenlerini bildirdiler.

Çehiya TİN bildirüvinde: «Üç yıl soñra biz Ukraina halqınen beraber Rusiye Qırımnı işğal etkenini red etemiz», – dep aytıla.

Finlândiya tış siyaseti müessiseniñ Twitterinde saifesinde: «Finlândiya TİN bugüne qadar devam etken Qırımnıñ qanunsız işğalini takbih ete. Biz Ukrainanıñ mustaqilligine ve birligine sadıq qalamız», – dep yazılğan.

Mart 18 cümaertesi künüLitvaniya prezidenti Dalia Grybauskaitė Ukraina ve Qırımnı desteklegenini bildirdi.

2014 senesi mart 18 kübü Rusiye prezidenti Vladimir Putin Qırımnı «qoşqanını» ilân etti. Ne Ukraina, ne Avropa birigi, ne de AQŞ yarımadanıñ yañı statusını qabul etmediler. BM Qırımnı işğal olunğan yer olaraq tanıy.

XS
SM
MD
LG