Link açıqlığı

Saatnıñ esas haberi

Kanada dünyanı Rusiyege basqı yapmağa çağıra


Kanada Rusiye tarafından zapt etilgen Qırımda insan aqları bozulğanı sebebinden raatsızlana ve dünya cemaatını Rusiyeniñ Ukrainağa yapqan ücümı sebebinden Modkvağa basqı yapmağa çağıra.

Mart 16 künü, Qırımda ötkerilgen sözde «referendumnıñ» üç yıllığı munasebetinen, Kanada akimiyeti özüniñ resmiy beyanatında: «Qırım işğali başlanğanınen anda insan aqları bozula, ayrıca fikir bikdirmek ve birleşmek serbestligi sıñırlana», – dep buyura.

Ottawda: «Kanada Ukrainadaki insanlarnı destekley. Rusiye halqara uquqqa ve Ukrainanıñ mustaqilligine sayğı köstermegence, dünya cemaatı birlikte basqı köstermek kerek, buña iqtisadiy sanktsiyalar da kire», – deyler.

Cumaaqşamı künü AQŞ Devlet departamentinde Rusiyeni Qırımda farqlı fikirde bulnğanlarğa qarşı basqılarnı toqtatmağa çağırdılar ve Ukrainanıñ bütünligi ve mustaqilligini desteklegenlerini bildirdiler.

2014 senesi mart 16 künü Qırım ve Aqyarda yarımadanıñ statusı aqqında referendum keçirildi, 2014 senesi mart 16 künü Qırım ve Aqyarda yarımadanıñ statusı aqqında, dünyada qabul etilmegen, referendum keçirildi, neticede Rusiye Qırımnı özüne qoşqanını ilân etti,. Ukraina, Avropa birligi ve AQŞ bu rey berüvini tanımadılar ve Qırım Rusiye tarafında işğal etilgenini tasdiqlay.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG