Link açıqlığı

Saatnıñ esas haberi

Büyük Britaniya TİN: «Qırım – Ukrainadır, oñı qaytarmağa kerek»


Büyük Britaniya Tışqı işler nazirligi, Rusiye Qırımnı qanunsız işğal etkenini ve o Ukrainanıñ nezaretine qaytarılmaq kerek olğanını ayta. Bunı mart 16 künü müessise öz Twitter saifesinde yazdı.

Beyanatta: «Rusiye Qırımnı ruhsetsiz işğal etken soñ üç yıl keçti, Büyük Britaniya öz fikirinde qattı tura, Qırım – Ukrainadır, ve onı qaytarmağa kerek», – dep yazıla.

2014 senesi mart 16 künü Qırım ve Aqyarda yarımadanıñ statusı aqqında referendum keçirildi, 2014 senesi mart 16 künü Qırım ve Aqyarda yarımadanıñ statusı aqqında, dünyada qabul etilmegen, referendum keçirildi, neticede Rusiye Qırımnı özüne qoşqanını ilân etti,. Ukraina, Avropa birligi ve AQŞ bu rey berüvini tanımadılar ve Qırım Rusiye tarafında işğal etilgenini tasdiqlay.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG