Rusiyeniñ liberal-demokratik fırqası «Qırım Rusiyege qoşulğanınıñ üçünci yıllığı munasibetinen», mart 16 künü mabuslarını afu etilmesi aqqında qararnıñ leyhasını baqıp çıqmağa teklif etecek ola. Bunı mart 15 künü Dumanıñ liberal-demoktarlarnıñ reis müavini Yarozlav Nilov dedi, haber ete TASS.
«Ananege köre, biz, ağır cinayet işlemegen mabuslarnı, em de ğayrı saqat, yañğız ana, ya da baba olğan, çoq balalı aile saibi olğan şahıslarnıñ afu ve azat etilmesini teklif etemiz», – dedi Nilov.
2014 senesi mart 16 künü Qırım ve Aqyarda yarımadanıñ statusı aqqında referendum keçirildi, 2014 senesi mart 16 künü Qırım ve Aqyarda yarımadanıñ statusı aqqında, dünyada qabul etilmegen, referendum keçirildi, neticede Rusiye Qırımnı özüne qoşqanını ilân etti,. Ukraina, Avropa birligi ve AQŞ bu rey berüvini tanımadılar ve Qırım Rusiye tarafında işğal etilgenini tasdiqlay.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
