Link açıqlığı

Ukrainada TRT temsilciligi açılmaq mümkün – Groysman


Volodımır Groysman

Ukrainada Türkiyeniñ eñ küçlü TRT teleradiokompaniyasıñ temsilciligi açılmaq mümkün, ve onıñ erkânına ukrain ve qırımtatar tilinde yayınlar azırlaycaq ukrain muarririyeti kirece bilecek. Bunı Ukraina baş naziri Volodımır Groysman Türkiye baş naziri Binali Yıldırım ile körüşkende ayttı.

Mart 14 künü Ukraina akimiyetiniñ matbuat hızmeti bildirdi ki, Türkiye Cumhuriyetinde resmiy ziyarette bulunğan Ukraina baş naziri Volodımır Groysman, Ukraina Tüekiyeniñ haber saasında müsbet şekilde yer alğanında meraqlanğanını bildirdi.

Ukraina baş naziri, Ukraina öz tarafından kösterilgen leyhalarda er taraftan yardımcı olmağa ve Türkiye mevzusını Ukraina malümat fezasında keñişletmege azır olğanında işandırdı.

Ukraina akimiyetinde qayd ettiler ki, Türkiye baş naziri Ukrainannı islâat yolunda desteklegenini bildirdi.

Körüşüv devamında taraflar eki taraflı işbirlik yapıla bilecek saalar, ayırıca – mudafaa-sanayı, avacılıq-kâinat, turizm ve infrastruktura saaları aqqında muzakereler ötkerdiler.

XS
SM
MD
LG