Link açıqlığı

Avropa parlamentinde Qırım vaziyetine dair muzakereler aqqında ilân eteler


©Shutterstock

Avropa Parlamentinde mart 16-da, cumaaqşamı künü, Rusiye tarafından zapt etilgen Qırımdaki vaziyet ve Rusiyede bulunğan ukrain siyasiy mabusları aqqında munaqaşa keçirilecegini ilân eteler. Böyle malümat Avropa Parlamentiniñ 2017 senesi mart 13-16 künleri olıp keçecek oturışlarınıñ kün mevzuları sırasında yayınlandı.

«Rusiyede ukrain siyasiy mabusları ve Qırımdaki vaziyeti» adlı munaqaşa künniñ birinci qısımında keçirilecek.

İşğal etilgen yarımadanıñ Rus akimiyeti ukraina tarafdarı ve qırımtatar faallerine zulum etmesini toqtatmay, şimdilik 17 insan ğayıp olğanı aqqında belli, 12 insan elâk oldı, 39 siyasiy mabusı ola, olardan 10 ende apis cezasına mahküm etildi. Em de Qırımda «ekstremist» olaraq tanılğan Qırımtatar Milliy Meclisiniñ faaliyeti yasaqlandı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG