Link açıqlığı

Saatnıñ esas haberi

«Eurovision-2017»: UTH, Rusiyeli iştirakçi Keriçte çıqış yapqanı aqqında bile


Yüliya Samoylova
Yüliya Samoylova

Ukraina telükesizlik hızmetine Rusiyeli yırcı Yüliya Samoylova işğal etilgen Qırımda, Keriç şeerinde çıqış yapqanı malüm. Amma, mart 13 künü saba, icracığa Kyivge ziyaretni yasaq etilecekmi, degen sualge, müessiseniñ matbuat hızmetinde Radio Svobodağa cevap bermediler.

Mart 12 künü Rusiyeni Eurovision yarışında temsil etecek yırcı belgilendi – balalıqtan saqatlar arabasını qullanmaq mecbur olğan yırcı Yüliya Samoylova Ukrainağa kelmeli.

Yırcı devletniñ siyasetini bütünley desteklry. Bunı, ayrıca, 2015 senesi iyün 27 künü işğal olunğan Qırımda «Sport ve merhamet dünyası» festivaliniñ gala-kontsertinde onıñ yapqanı çıqışı da isbatlay. Yüliya – Oleg Gazmanov, Lolita kibi Rusiyeli yırcılarınen beraber kontsert berdi.

Yabancılarnıñ Qırımğa kirmek içün mahsus ruhset almaq kerek olğanları aqqında Ukraina Nazirler şurasınıñ 2015 senesi iyün 4 künü qabul etkeni №367 qararını bozğan bu yırcı, Ukrainağa kirsetilmemek kerek.

Bundan evel Ukraina, Qırımda çıqış yapqan Rusiyeli artistlerge qarşı tedbir alğan edi edi.

Böylece, 2016 senesi oktâbr 9 künü Ukraina Yuqarı Şurası yolbaşçısınıñ müavini İrina Geraşenko, Qırımda çıqış yapqan Rusiyeli artistlerge Ukrainağa kirişini yasaq etmek içün Telükesilik sızmetine muracaatta bulunacağını bildirgen edi.

XS
SM
MD
LG