Qırım uquq qorçalayıcı taqımınıñ koordinatorı Olga Skripnik, mart 13 künü Qırımnıñ memuriy sıñırında eki sıñır arasında FSB tarafından tutuldı.
Bunı Qırım.Aqıqatqa uquq qorçalayıcı İrina Sedova bildirdi.
«Olâ, Kalançakta eki sıñır arasında olıp kiriş noqtasını nezaret etmege ketti. Eki sıñır arasından oñı FSB hadimleri tuttı, alıp öz odalarında sorğulaylar», – dep tarif etti o.
UTH ve Devlet sıñır hızmeti şimdilik vaziyetni izaatlamaylâz. Qırım.Aqıqat adiseniñ tafsilâtını ögrene.
Olga Skripnik – uquq qorçalayıcı, Qırım uquq qorçalayıcı taqımınıñ koordinatorı, «Almenda» vatandaşlıq maarif Merkezinde çalışa. İşğalinden soñ Yaltadan qıtaiy Ukrainağa köçti.
Qırım Rusiye nezaretine keçkeninen FSB yarımadada muntazam surette tintüvler keçire, jurnalist, faaller, cemaat erbapları sorğulana, qırımtatar vatandaşları yaqalana. Uquq qorçalayıcılar bunı «farqlı fikirlerge qarşı küreş» kibi köreler.
Ukraina Tışqı işler nazirligi, işğal etilgen Qırımda ukrain vatandaşlarınıñ taqip etilmesinen raatsız olğanını bildirdi ve basqılarnı toqtatmağa çağırdı.
