Aqmescitte demiryol vokzalında McDonald’s binasında «RusBurger» açılacağı planlaştırıla. Bunı öz Instagram saifesinde Kreml nezaretindeki Qırım Mesken kommunal hızmetler naziri Sergey Karpov yazdı.
«Aqmescitte demiryol vokzalında Rusburgen restoranı açılacaq. Er kes Blackstarburger açılacağını bekley edimi?» – dep yazdı Karpov.
«RusBurger» resmiy sitesinde Aqmescitte açılacaq yemekhane aqqında malümat yoq.
Rusiyeniñ MKH nazirligi de öz sitesinde «RusBurger» açılması aqqında malümat yerleştirmedi.
Bundan evel haber vastalarında McDonald’s binasında rusiyeli yırcı Timati tarafından burger-hane açılacağı aqqında malümat peyda olğan edi.
Oktâbrde rusiyeli iş adamı Aleksandr Lebedev işğal olunğan Qırımda «Petruşka» adlı sağlam yemek haneler zıncırını qurmaq niyeti aqqında haber etken edi.
«McDonald's» restoranları Qırımda 2014 senesi aprel 3 künü «istisal sebeplerinden» qapatılğan edi. Hadimlerge Ukrainanıñ diger şeerlerine işke keçmege teklif etilgen edi.
