Mart 9 künü Gaagada Halqara mahkemede Ukrainanıñ Rusiyege qarşı davasınıñ baqılması soñuna kele. Cümaaqşamı künü söz Rusiye tarafına berildi.
Ukraina Halqara mahkemede – BMT Yüksek mahkemesinde – terörizmge maddiy destek köstermesine qarşı Halqara añlaşma ve er türlü ırq ayırımınıñ yoq etilmesi boyunca Halqara añlaşmalarını bozğanında qabaatlap Rusiyege qarşı dava açtı.
Mart 6 bazarertesi künü başlanğan dört künlik toplaşuvlar çerçevesinde, sadece Ukraina rica etken Rusiyege qarşı iş baqılacaq vaqıtta üküm sürecek muvaqqat tedbirlerni almaq ricası baqıla. Davanıñ özü ise, ekspertlerniñ fikirlerine köre, yıllarğa sürmek mümkün. Ukraina mahkemeni Rusiyeni Ukrainada vatandaşlarğa qarşı terrorizm areketlerini yapqan taqımlarğa maddiy destek, silâ ketirilmesi, taqımlarnı ögretme ve aletlendirmesini toqtatmaq, em de Qırımda qırımtatar ve ukrainlerniñ taqiq etilmesi ve aqları sıñırlanmasını toqtatmağa çareler baqıldı.
Keçken eki kün devamında Ukraina tarafı davanı qazanmaq ve tedbir alınmaq içün delillerini ketirdi, Rusiye tafafı qarşı çıqtı, Ukraina Tışqı işler naziriniñ muavini Yelena Zerkal bu çıqışnı oyun ve yalan dep adlandırdı.
