Frenkistan Tışqı işler naziri Jean-Marc, onıñ devleti Qırımnıñ Rusiye tarafından işğal etilgenini qabul etmecegini bildirdi. Bunı o «112 Ukraina» telekanalında yayınlanğan, Ukraina Tışqı işler naziri Pavlo Klimkinnen birlikte Parijde bergen matbuat konferentsiyada dedi.
Herault : «Frenkistan Qırım işğalini şimdi ve kelecekte de qabul etmez. Frenkistan Almaniyanen birlikte ileride de Normand formatına köre cenkniñ yaralarını sarmaq içün bütün kerekli ğayretini kösterecek», – dep qayd etti.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
