Mart 8 künü arfesinde Aqyar bazarlarında baarniñ ilk çiçekler deste-deste satılıp başlandı, şu sırada qbardaqlar da. Bunı Qırım.Aqiqat bildire.
Aqyarnıñ bazar ve soqaqlarında aqbardaq, aynısefa, tsiklamen, çançiçegi, çuhaçiçegi, mayıs sinegi ve başqa çiçeklerini satalar. Qırım.Aqiqat muhbirinen laf etip, satıcılar, olarnıñ yanına bir kere ne politsiya ne de ekologik inspektsiyasınıñ qadimleri kelmegenlerini ayttılar.
Bazı ösümlikler, meselâ aqbardaq – Qırımda endemik çiçegidir. O sadece yarımadada öse. Ekologlarnıñ fikirine köre, ösümliklerniñ kütleviy şekilde qoparılması olarnıñ sayısını eksilte ve kelecekte ğayıp olmasına ketire bile.
Rusiye nezaretindeki Qırım ekologiya ve tabiyat resurslar nazirligi, 2017 senesi fevral ayında Qızıl kitabqa kirsetilgen aqbardaqnıñ28 misalde 12 biñ tanesi satılğanını kördi.
