Rusiye Merkeziy saylâv komissiyasınıñ başı Ella Pamfilova 2018 senesi keçirilecek prezident saylâvlarını kününi bir aftağa – mart 11 kününden 18 kününe avuştırmaq teklifine qol tuttı. Bunı MSK başı RİA Novosti agentligine bildirdi.
«Men Dumağa kirsetilgen deñişmelerine dair – 2018 senesi keçirilecek prezident saylâvlarını bir aftağa – mart 11 kününden 18 kününe avuştırmaq teklifine qol tutam, çünki saylâv kommisiyaları içün saylâvlar ne qadar keç keçirilse, o qadar yahşı», – dedi Pamfilova.
Onıñ sözlerine köre, saylâvlar künü 2017 senesi dekabr ayınıñ başında ilân etilmek kerek.
«Dekabrniñ soñu ve yanvarnıñ başı, adamlar Yañı yılğa azırlanıp Yañı yılnı qayd etkende, siyasette bu kerçekten sakin devir. Onıñ içün bir aftağa keççe saylâvlar keçirilse, bu saylâvlarda daa faal olmağa ve saylâv komissiyağa yahşıca azırlanmağa çare bere», – dedi MSK başı.
Bundan evel mart 7 künü Devlet Dumasınıñ devlet qurucılığı ve qanunlar boyunca profil komitetiniñ yolbaşçı müaivi Mihail Emelyanov, Devlet Duması saylâvlar qanunına kirsetilmesi teklif etilgen deñişmelerini qabul eter ve bundan soñ 2018 senesi keçirilecek prezident saylâvları martnıñ üçübci bazar kününe avuştırılacaq.
Kelecek sene bu mart 18 – «Qırım ve Aqyarnıñ Rusiyege qoşulğanları aqında» añlaşma imzalanğan künü olacaq.
