Link açıqlığı

Trump Obamanı Rusiyeniñ Qırım işğalinden sebep tenqitke oğrattı


Donald Trump

Amerika Qoşma Ştatlarınıñ prezidenti Donald Trump Twitterdeki saifesinde sabıq prezident Barack Obamanı tenqit etti. O, memleketniñ halqara alandaki areketleri ve Rusiyeniñ Qırım işğalini qayd etti.

«Sekiz yıl devamında Rusiye prezident Obamağa «basqı yaptı», daa küçlü ola edi, Qırımnı tutıp aldı ve raketalarnı arttırdı. Küçsüz!», – dep yazdı Trump.

Barack Obama Trumpnıñ tenqidine şimdilik cevap bermedi.

AQŞ prezidenti Donald Trump saylavaldı kampaniyası devamında Barack Obamanı, aytqanı kibi, devletniñ yımşaq iç ve tış siyaseti içün tenqit etken edi. 2017 senes fevral ayında Trump Rusiye Qırımnı Barack Obama prezident olğan vaqıtta işğal etkenini hatırlattı.

XS
SM
MD
LG