Mart 9 künü Kyivdeki Qırım evinde «Qırım Birdemli Ukraina içün: ukrain qarşılığınıñ ikâyeleri» körüşüvini keçirecek olalar.
Facebookta merasimniñ saifesinde: «Aqmescit, Aqyar, Yalta, Bağçasaray, Kefe ve diger rayonlardan Qırımdaki Yevromaydannıñ iştirakçileri 2013-1014 seneleri Qırımda olıp keçken vaqıya ve adiseler aqqında öz ikâyelerini tarif etecekler», – dep haber etile.
Teşkilâtçilarınıñ sözlerine köre, olar merasimge tarihçı, jurnalist, student ve Rusiye zulumına qarşı Qırımlılarnıñ küreşinen meraqlanğanlarnı davet eteler.
2016 senesi yazda «Qırımtatarlarnıñ qarşılıq areketi» teşkilâtınıñ koordinatorı Nedim Halilov halqara uquq ve Rusiye qanunlarına esaslanıp, Rusiye kontrol etken Aqmescit Merkeziy mahkemesine Rusiyeniñ Qırımdaki qırımtatarlarğa qarşı yapqan areketleriniñ qanunsız tanılması içün muracaatta bulundı. O, qırımtatar tiline devlet tili statusınıñ berilmesini ve mahkeme oturışını qırımtatarca alıp barmağa talap etti.
