Link açıqlığı

Mart soñuna qadar Çonğardaki qulle tolusınen çalışıp başlaycaq – Kostinskiy


Sergey Kostinskiy

2017 senesi mart ayınıñ soñuna qadarr Çonğardaki televizion qulle tolusınen çalışıp başlaycaqtır. Bunı Ukrana tele ve radio yayınları meseleleri milliy şurasnıñ azası Sergey Kostinskiy «UA | TV» telekanalınıñ yayınında ayttı.

«Bu ay Çonğardaki qulle çalışıp başlaycaq, şimdi test rejiminde çalışa. Aprel ayından başlap 4 radio çalışmalı», – dep ayttı Kostinskiy.

Bundan evel Kostinskiy Qırım.Aqiqatqa qayd etti ki, Qırım ile memuriy sıñırda esas Ukrainadan ve işğal etilgen yarımadadan yayınlağan radiolar arasında «duel» keçe.

2016 senesi dekabr 27-de Ukraina tele ve radio yayınları meseleleri milliy şurası Qırımğa yayın yapa bilecek dört radioğa litsenziya berdi. Bular – Ukrain radiosı (cemaat yayını), Herson radiosı, «Meydan» qırımtatar radiosı, «Qırım cemiyetleriniñ radiosı».

Qırım.Aqiqat Radiosınıñ yayınları içün litsenziya 105.9 FM dalğasında «Qırım cemiyetleriniñ radiosı» cemaat teşkilâtına berildi.

XS
SM
MD
LG