Mahküm etilgen 12 Ukraina vatandaşınıñ Qırımdan Ukrainağa avuştırılması tehnik sebeplerden kerçekleştirilmedi. Bunı mart 3-de Rusiye adalet nazirligi bildirdi, dep haber ete TASS.
«Qayd etilgen mabuslarnıñ avuştırılması mart 3-de tehnik sebeplerden olmadı. Ukraina akimiyeti ile yañı san belgilengen soñ mabuslar ketirilecektir», – dep qayd etti Rusiye nazirligi.
Ukraina Yuqarı Radasınıñ insan aqları vekâletlisiniñ ofisi mart 3-de Qırımdan 12 mabus ketirilecegini aytmay, amma eñ yaqın vaqıtta bunıñ kerçekleştirilmesine işana.
12 Ukraina vatandaşı 2014 senesi mart 18-den evel, Qırım Rusiye tarafından işğal etilgeninden evel, ukrain mahkemeleri tarafından mahküm etilgen edi. Olar Ukrainada cezasını çekmek istegenini bildirdiler.
Fevral soñunda Ukraina adalet naziriniñ muavini Sergey Petuhov bildirdi ki, Ukraina ve Rusiye tarafları 12 Ukraina vatandaşınıñ berilecek kününi belgiledi. O, mabuslarnıñ teslim etilecek künü olaraq mart 3-ni aytqan edi.
