Kreml nezaretindeki Qırım Yuqarı mahkemesi, faal Marlen Mustafayevniñ evinde tintüv keçirilgende destek köstermek içün kelgen yerli sakinlerniñ apis etilmesini qanuniy olaraq tanıdı. Bunı Facebookta tutulğanlardan biri, Osman Arifmemetov yazdı. videoğa çekken ve 5 künge apis etilgen faallerniñ şikâyet arizalarınıñ baqılması başqa künge qaldırıldı.
Mahkeme toplaşuvı bir qaç kere keçiktirilgen edi, qabaatlağan tarafnıñ şaatları diñlevde yoq edi, politsiya hadimledi ise bergen «ifadeleride qarışa ediler», qayd etti o.
Fevral 21 künü Aqmescit kenarında «ekstremist temsillerni» qullanğanında qabaatlanğan Marlen Mustafayevniñ evinde tintüv ötkerildi. Marlen Mustafayevni desteklemek içün 10 insan kelip olayını video çeke ediler. Soñra Mustafayevke 11 kün, digerlerine ise 5 kün apıs cezası berildi.
Qırımtatar Milliy Meclis reisiniñ müavini İlmi Umerov Qırımdaki tintüv ve yaqalanuvlarını «qorquzdırma areketleri» dep adlandırdı.
